ബെംഗളൂരുവില്‍ നടന്ന വിവാഹ സല്‍ക്കാരത്തിലായിരുന്നു ഇന്ത്യയുടെ അഭിമാന ബഹിരാകാശ ദൗത്യമായ ഗഗൻയാൻ സംഘത്തില്‍ അംഗം കൂടിയായ പ്രശാന്ത് മനസ്സുതുറന്നത്.

കഴിഞ്ഞ ദിവസമാണ് ചലച്ചിത്ര താരം ലെന പുതിയ ദാമ്ബത്യജീവിതത്തെക്കുറിച്ചും ജീവിതപങ്കാളിയെക്കുറിച്ചും വെളിപ്പെടുത്തിയത്. പ്രധാനമന്ത്രി നരേന്ദ്ര മോദി തിരുവനന്തപുരം തുമ്ബ വിക്രം സാരാഭായ് സ്‌പേസ് സെന്ററില്‍ ഗഗൻയാൻ ദൗത്യസംഘത്തിന്റെ പേരു പുറത്തുവിട്ടതിനു പിന്നാലെയായിരുന്നു ലെനയും സർപ്രൈസ് പൊട്ടിച്ചത്. പാലക്കാട് നെന്മാറ സ്വദേശിയാണ് പ്രശാന്ത്.

''ഈ മനോഹര നിമിഷത്തില്‍ ഇവിടെ എത്തിയ എല്ലാവർക്കും നന്ദി. ഇതു ഞങ്ങളുടെ രണ്ടുപേരുടെയും രണ്ടാം ഇന്നിങ്‌സാണ്. നിങ്ങളെ എല്ലാവരെയും ഇവിടെ കാണുമ്ബോള്‍ ഇത് എന്നത്തേക്കുമുള്ള ഇന്നിങ്‌സാണെന്നാണു തോന്നുന്നത്. ഇതിനെ ഞങ്ങള്‍ ഇഷ്ടപ്പെടുന്നു.''-ജനുവരി 17നു നടന്ന ചടങ്ങില്‍ ലെനയെ ചേർത്തുപിടിച്ചു പറഞ്ഞു. പ്രമുഖ ഷെഫ് സുരേഷ് പിള്ളയാണ് വിവാഹ സല്‍ക്കാരത്തിന്റെ വിഡിയോ ദൃശ്യങ്ങള്‍ പുറത്തുവിട്ടത്. ബെംഗളൂരു മല്ലേശ്വരം ക്ഷേത്രത്തില്‍ വച്ചായിരുന്നു വിവാഹ ചടങ്ങ് നടന്നത്.

സോഷ്യല്‍ മീഡിയയില്‍ വൈറലായ തന്റെ വിഡിയോകള്‍ കണ്ടാണു പ്രശാന്ത് വിളിക്കുന്നതും സൗഹൃദത്തിലാകുന്നതുമെന്നാണ് ഒരു അഭിമുഖത്തില്‍ ലെന വെളിപ്പെടുത്തിയത്. മതം, ആത്മീയത ഉള്‍പ്പെടെയുള്ള വിഷയങ്ങളില്‍ സംസാരിച്ച്‌ ഇഷ്ടപ്പെട്ട അദ്ദേഹം ഇങ്ങോട്ടു ബന്ധപ്പെട്ടു സംസാരിച്ചുതുടങ്ങുകയായിരുന്നു. പിന്നീട് അടുപ്പത്തിലാകുകയും വിവാഹം കഴിക്കാൻ തീരുമാനിക്കുകയുമായിരുന്നു