വ്യാഴാഴ്ച രാവിലെ 11മണിയോടെയാണ് സംഭവം. ഭാര്യയും പിതാവും തമ്മില്‍ വഴക്കു പതിവായിരുന്നെന്നു ഷാനുവിന്റെ ഭര്‍ത്താവ് സിനോജ് പറഞ്ഞു. ഭക്ഷണത്തെച്ചൊല്ലി ആറുമാസം മുന്‍പു വഴക്ക് രൂക്ഷമായെന്നും ഇതിനുശേഷം പിതാവിനോടു ഷാനു സംസാരിക്കാറില്ലെന്നും സിനോജ് പറഞ്ഞു.

രാവിലെ ജോലിക്കുപോയ ശേഷം ഷാനുവിനെ വിളിച്ചിരുന്നതായും അപ്പോള്‍ പ്രശ്‌നങ്ങളൊന്നും പറഞ്ഞിരുന്നില്ലെന്നും സിനോജ് പറഞ്ഞു. പിതാവുമായി യോജിച്ചു പോകാന്‍ കഴിയാത്തതിനെ തുടര്‍ന്ന് മറ്റൊരു സഹോദരന്‍ വീടുമാറിയിരുന്നു.

സിനോജിന്റെയും ഷാനുവിന്റെയും എല്‍കെജിയില്‍ പഠിക്കുന്ന ഇരട്ടക്കുട്ടികളായ ഇമയും ഇവാനും സ്‌കൂളില്‍പോയശേഷം ഷാനു വീട്ടില്‍ ഒറ്റക്കുള്ളപ്പോഴായിരുന്നു സെബാസ്റ്റ്യന്റെ ആക്രമണം. തുടര്‍ന്ന് ഇയാള്‍ തൂങ്ങിമരിക്കുകയായിരുന്നു.