ല ക്രോസ്സ് (വിസ്‌കോണ്‍സിന്‍): ഫെഡറല്‍ ധനസഹായമുള്ള നഴ്‌സിംഗ് ഹോമുകള്‍ക്കായി ബൈഡന്‍ ഭരണകൂടം ദേശീയ മിനിമം സ്റ്റാഫിംഗ് മാനദണ്ഡങ്ങള്‍ സ്ഥാപിക്കുമെന്നു  വൈസ് പ്രസിഡന്റ് ഹാരിസ് പ്രഖ്യാപിച്ചു.

വൈസ് പ്രസിഡന്റ് കമല ഹാരിസ് ആരോഗ്യ പ്രവര്‍ത്തകരുമായി തിങ്കളാഴ്ച ലാ ക്രോസിലെ ഹ്‌മോംഗ് കള്‍ച്ചറല്‍ ആന്‍ഡ് കമ്മ്യൂണിറ്റി സെന്ററില്‍  ചര്‍ച്ച നടത്തുന്നതിനിടയിലാണ് വൈസ് പ്രസിഡന്റ് ഹാരിസ് പ്രഖ്യാപനം നടത്തിയത്.
കെയര്‍ വര്‍ക്കര്‍മാര്‍ സമൂഹത്തിന് നല്‍കുന്ന സേവനങ്ങള്‍  തിരിച്ചറിയുന്നതിനെ കുറിച്ചാണ് സംഭാഷണമെന്ന് പ്രാഥമിക ആമുഖങ്ങള്‍ക്ക് ശേഷം വൈസ് പ്രസിഡന്റ് ഹാരിസ് പറഞ്ഞു.

''ഞങ്ങളുടെ ഹോം ഹെല്‍ത്ത് കെയര്‍ വര്‍ക്കര്‍മാര്‍, ഞങ്ങളുടെ കെയര്‍ വര്‍ക്കര്‍മാര്‍, SEIU അംഗങ്ങള്‍ എന്നിവരോട് നിങ്ങള്‍ എല്ലാ ദിവസവും ചെയ്യുന്ന ജോലികള്‍ക്ക് ഞാന്‍ വളരെ നന്ദിയുള്ളവളാണ്.  ഹാരിസ് പറഞ്ഞു ഗാര്‍ഹിക ആരോഗ്യ പ്രവര്‍ത്തകരുടെ വേതനം വര്‍ധിപ്പിക്കാന്‍ സഹായിക്കുന്ന പുതിയ ആവശ്യകതകളും അവര്‍ പ്രഖ്യാപിച്ചു.

ലക്ഷക്കണക്കിന് തൊഴിലാളികളുള്ള ഹോം ഹെല്‍ത്ത് കെയര്‍ കമ്പനികള്‍ക്ക് മെഡികെയ്ഡ് നിലവില്‍ പ്രതിവര്‍ഷം 125 ബില്യണ്‍ ഡോളര്‍ നല്‍കുന്നു.