വാഷിംഗ്ടണ് : മയക്കുമരുന്ന് കുറ്റത്തിന് ശിക്ഷിക്കപ്പെട്ട 11 പേര്ക്ക് യുഎസ് പ്രസിഡന്റ് ജോ ബൈഡന് ബുധനാഴ്ച മാപ്പ് നല്കുകയും മറ്റ് അഞ്ച് പേരുടെ ശിക്ഷ ഇളവ് ചെയ്യുകയും ചെയ്തതായി വൈറ്റ് ഹൗസ് അറിയിച്ചു.
''ഇവരില് പലര്ക്കും നിലവിലെ നിയമം, നയം, സമ്പ്രദായം എന്നിവ പ്രകാരം ലഭിക്കുന്നതിനേക്കാള് ആനുപാതികമല്ലാത്ത ദൈര്ഘ്യമുള്ള ശിക്ഷകള് ലഭിച്ചു,'' ബൈഡന് പ്രസ്താവനയില് പറഞ്ഞു.
ബൈഡന് മാപ്പ് നല്കിയവരില് ഒരാളാണ് വാഷിംഗ്ടണില് നിന്നുള്ള ഡോ. കത്രീന പോള്ക്ക് (54), 18 വയസ്സുള്ളപ്പോള് മയക്കുമരുന്ന് കുറ്റത്തിന് കുറ്റസമ്മതം നടത്തി. പോള്ക്ക് ശിക്ഷ അനുഭവിച്ചു, അവരുടെ മേല്നോട്ടത്തിലുള്ള മോചനത്തിന്റെ നിബന്ധനകള് പൂര്ത്തിയാക്കി.
കഴിഞ്ഞ ഡിസംബറില് ബൈഡന് മയക്കുമരുന്ന് ആരോപണങ്ങള്ക്ക് പതിറ്റാണ്ടുകളായി ശിക്ഷ അനുഭവിക്കുന്ന 11 പേരുടെ ജയില് കാലാവധി കുറയ്ക്കുകയും കഞ്ചാവ് കൈവശം വച്ച കുറ്റങ്ങള്ക്ക് ആയിരക്കണക്കിന് ആളുകള്ക്ക് മാപ്പ് നല്കുകയും ചെയ്തിരുന്നു.