ടൊറന്റോയില്‍ ഏപ്രില്‍ 28ന് നടന്ന ഖല്‍സ പരേഡിലായിരുന്നു ജസ്റ്റിൻ ട്രൂഡോ പങ്കെടുത്ത് സംസാരിച്ചത്. 'ഇത്തരം അസ്വസ്ഥതയുണ്ടാക്കുന്ന നടപടികളില്‍ ഇന്ത്യയുടെ ഉത്കണ്ഠയും ശക്തമായ പ്രതിഷേധവും വ്യക്തമാക്കുന്നു. വിഘടനവാദത്തിനും തീവ്രവാദത്തിനും അക്രമത്തിനും കാനഡയുടെ മണ്ണില്‍ ഇടംനല്‍കുന്നതിനുള്ള തെളിവാണ് കാണാൻ കഴിഞ്ഞത്' -വിദേശകാര്യ മന്ത്രാലയം പ്രസ്താവനയില്‍ പറഞ്ഞു. ഇത്തരം നിലപാട് ഇരു രാജ്യങ്ങളും തമ്മിലുള്ള ബന്ധത്തെ ബാധിക്കുമെന്നും മന്ത്രാലയം അറിയിച്ചു.

സംസാരിക്കാനായി ട്രൂഡോ വേദിയിലേക്ക് കയറവേ 'ഖലിസ്ഥാൻ സിന്ദാബാദ്' വിളികള്‍ ഉറക്കെ ഉയരുന്നത് പുറത്തുവന്ന വിഡിയോയില്‍ കാണാം. സംസാരിക്കുന്നതിനിടെയും ഖലിസ്ഥാൻ അനുകൂല മുദ്രാവാക്യങ്ങള്‍ ഉയർന്നു.