കേളി അന്താരാഷ്ട്ര കലാമേള മേയ് 18, 19 തീയതികളില്‍ സ്വിറ്റ്‌സര്‍ലന്‍ഡില്‍
Published on 16 May, 2013
സൂറിച്ച്: യൂറോപ്യന്‍ പ്രവാസി യുവജനോത്സവമായ കേളി കലാമേള മേയ് 18,19 തീയതികളില്‍ സൂറിച്ചില്‍ അരങ്ങേറും. അന്താരാഷ്ട്ര യുവജനോത്സവത്തിന്റെ രജിസ്‌ട്രേഷന്‍ കഴിഞ്ഞ ആഴ്ച അവസാനിച്ചിരുന്നു.
കലാതിലകം, കലാപ്രതിഭ സ്വര്‍ണപതക്കങ്ങള്‍, ഫാ.ആബേല്‍ മെമ്മോറിയല്‍ ട്രോഫി, കേളി കലാരത്‌ന ട്രോഫി എന്നിവ കലാമേളയുടെ പ്രത്യേകതയാണ്. ഇരു ദിനങ്ങള്‍ മുഴുക്കെ നടക്കുന്ന അന്താരാഷ്ട്ര കലാമേള സൂര്യ ഇന്ത്യയും ഇന്ത്യന്‍ എംബസിയും ആയി സഹകരിച്ചാണ് കേളി നടത്തുന്നത്.
ഭരതനാട്യം, മോഹിനിയാട്ടം, കുച്ചുപ്പിഡി, സിനിമാറ്റിക് ഡാന്‍സ്, തുടങ്ങിയ നൃത്തയിനങ്ങളും സംഗീതം, മോണോ ആക്റ്റ്, ഫാന്‍സി ഡ്രസ്, പെന്‍സില്‍ ഡ്രോയിംഗ്, കരോക്കെ പ്രസംഗം എന്നീ നൃത്തേതരയിനങ്ങളിലും മത്സരം നടക്കും.
കഴിഞ്ഞ പത്തു വര്‍ഷമായി സ്വിറ്റ്‌സര്‍ലന്‍ഡില്‍ അന്താരാഷ്ട്ര യുവജനോത്സവം നടന്നു വരുന്നു. കലാമേളയില്‍ ശോഭിക്കുന്ന കുട്ടികള്‍ പിന്നീട് കലാരംഗത്ത് അറിയപ്പെടുന്നവരായിത്തീരുന്നത് സാധാരണമാണ്. പിന്നണി ഗായകരായ അന്‍വര്‍ സാദത്തും സരിതാ രാജീവും കൂടി ഗാനമേള ഒരുക്കും.
റിപ്പോര്‍ട്ട്: ജേക്കബ് മാളിയേക്കല്‍
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala