വെന്റ് വര്‍ത്ത്‌വില്ലയില്‍ വി. അല്‍ഫോന്‍സാമ്മയുടെ തിരുനാള്‍ ആഘോഷിച്ചു
Published on 10 October, 2013
വെന്റ് വര്‍ത്ത് വില്ല(ഓസ്‌ട്രേലിയ): പാരമറ്റ രൂപതയിലെ വിശ്വാസികള്‍ ഒന്നു ചേര്‍ന്ന് വി. അല്‍ഫോന്‍സാമ്മയുടെ തിരുനാള്‍ ഒക്‌ടോബര്‍ അഞ്ച്, ആറ് തീയതികളില്‍ ആഘോഷിച്ചു.
വെന്റ്‌വര്‍ത്തുവില്ലിലെ ഔവര്‍ ലേഡി ഓഫ് മൗണ്ട് കാര്‍മ്മല്‍ പള്ളിയാലാണ് തിരുനാള്‍ ആഘോഷിച്ചത്. ഒക്‌ടോബര്‍ അഞ്ചിന് (ശനി) വി. അല്‍ഫോന്‍സാമ്മയുടെ നൊവേനയ്ക്കുശേഷം കൊടിയേറ്റോടെ പെരുന്നാളിന് തുടക്കം കുറിച്ചു.
ആറിന് (ഞായര്‍) നടന്ന ആഘോഷമായ ദിവ്യബലിയില്‍ അഞ്ഞൂറോളം വിശ്വാസികള്‍ പങ്കെടുത്തു. ഫാ. ജോബി കടമ്പാട്ടുപറമ്പില്‍ മുഖ്യകാര്‍മികത്വം വഹിച്ചു. ഫാ. ജോര്‍ജ് അന്തിക്കാട്, ഫാ. അഗസ്റ്റിന്‍ തറപ്പേല്‍, ഫാ. ബിജു പുത്തന്‍പുര, ഫാ. സാലസ് മുട്ടത്തുകാട്ടില്‍, ഫാ. ജോയി ചുക്കനാനിക്കല്‍ എന്നിവര്‍ സഹകാര്‍മികരായിരുന്നു.
നൊവേനയ്ക്കും ലദീഞ്ഞിനുശേഷം ബാന്റുമേളത്തിന്റെയും മുത്തുക്കുടകളുടേയും കൊടികളുടേയും അകമ്പടിയോടെ അല്‍ഫോന്‍സാമ്മയുടെ രൂപവും വഹിച്ച് ആഘോഷമായ പ്രദക്ഷിണം നടന്നു. തുടര്‍ന്ന് വിശുദ്ധയുടെ തിരുശേഷിപ്പ് വണക്കവും നേര്‍ച്ച വിതരണവും സ്‌നേഹവിരുന്നും ഉണ്ടായിരുന്നു.
ഫാ. ജോയി ചുക്കനാനിക്കല്‍ എല്ലാവര്‍ക്കും നന്ദി പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala